Skip to main content

ದ್ರೋಅ



-ರಘೋತ್ತಮ ಹೊ.ಬ,


ಎದೆಯೊಳಗಿನ ಸಂಕ್ಟ ಯಾರಿಗೂ ಹೇಳಬಾರದು ಎಂದಿದ್ದೆ

ಹೇಳದಿದ್ದರೆ ಎದೆ ನಾ ಒಡೆಯುವೆ ಎಂದಿತ್ತು

ಹೇಳಲೊರಟೆ

ಗೌರವ ಕೊಟ್ಟಿದ್ದೆ ಅವನಿಗೆ

ಅವ ಬರುವ ಕೆಲಸ ಕೊಡಿಸುವ ಮದುವೆ ಮಾಡಿಸುವ ಮಕ್ಕಳುಟ್ಟಿಸುವ

ಅದೃಷ್ಟಕ್ಜೆ ಅಪ್ಪ ಕೆಲಸ ಕೊಡಿಸಿದ್ದ ಮದುವೆ ಮಾಡಿಸಿದ್ದ ನಾ ಮಕ್ಕಳುಟ್ಟಿಸಿದ್ದೆ


ಗೌರವ ಕೊಟ್ಟಿದ್ದೆ ಅವನಿಗೆ

ಕಣ್ಣೆತ್ತಿ ನೋಡಿರಲಿಲ್ಲ

ಕೈ ಭದ್ರ ಕುಲುಕಿರಲಿಲ್ಲ

ಬರೆದಿದ್ದೆ ಜಗದಗಲ ಮುಗಿಲಗಲ

ಫೇಸ್ ಬುಕ್ಕು ವ್ಯಾಟ್ಸಪ್ಪು ಪತ್ರಿಕೆ

ನಾನೇ ತಿದ್ದಿದ್ದೆ ತೀಡಿದ್ದೆ ಮುದ್ರಿಸಿದ್ದೆ ಹಿರಿ ಹಿರಿ ಹಿಗ್ಗಿ ಹಂಚಿದ್ದೆ

ಬಂದ ನೋಡಿ ಶೂರ ಜಗದೇಕವೀರ

ನಾಡಿನಾದ್ಯಂತ ಸಂಭ್ರಮಿಸಿದ್ದೆ


ಎದೆಯುಳಗಿನ ಬುದ್ಧನ ಅವನಿಗೆ ಕೊಟ್ಟಿದ್ದೆ

ಮನದೊಳಗಿನ ಅಂಬೇಡ್ಕರನ ಅವನಲ್ಲಿ ಕಂಡಿದ್ದೆ

ದುಡ್ಡು ಕಾಸು ಎಲ್ಲದಕ್ಕೂ ಅವನೆ ಬಾಸು

ಬೆಳಗು ರಾತ್ರೆ ಅವನದೆ ಜಪ

ಸಂಜೆಯಾದರೆ ನೈಂಟಿಯೊಳಗೂ ಅವನದೆ ತಪ

ಗ್ಯಾನ ತಪ್ಪಿ ಬಿದ್ದಿದ್ದರೂ ಅವನನೆ ನೆನಪಿದ್ದೆ

ಅವನ ನಡೆ ನುಡಿ ಕುಣಿತ

ಭರವಸೆಯ ಹಿಮಾಲಯ ಕಂಡಿದ್ದೆ


ಕೈಕುಲುಕಲು ಸಾಲು ನಿಂತಿದ್ದೆ

ದನಿ ಕೇಳಲು ಕಿವಿ ತೆರೆದು ಕುಂತಿದ್ದೆ

ಹತ್ತಿರ ಬಂದರೆ ಪುಳಕ ದೂರ ಹೋದರೆ ನರಕ

ಯಾರಿಗೆ ಹೇಳಲಿ ನನ್ನ ತವಕ

ಹತ್ತಾರು ಮೈಲಿ ನಡೆದಿದ್ದೆ ಅವನ ಹಿಂದೆ

ಬದುಕಿನ ಎಲ್ಲವನು ಕಳೆದು

ಮದುವೆ ಮಕ್ಕಳು ವೃತ್ತಿ ಎಲ್ಲವನ್ನು ಬಿಟ್ಟು ನನ್ನಂತವರು ಸಾವಿರಾರು


ಒಂದೊಮ್ಮೆ ದಾರಿ ತಪ್ಪಲಾರಂಭಿಸಿದ್ದ ತಿದ್ದಲೋದೆ ಬೈಸಿಕೊಂಡೆ ಟ್ರೋಲ್ ಮಾಡಿಸಿಕೊಂಡೆ

ಗೆದ್ದ ಒಮ್ಮೆ ಜಗವ ಗೆದ್ದ ಎಂದೇ ಖುಷಿಗೊಂಡೆ

ನನ್ನ ಕೀರ್ತಿಯ ಪೇಟವ ಅವನಿಗೆ ತೊಡಿಸಿದ್ದೆ

ಕೆಲಸ ಮಕ್ಕಳು ಮದುವೆ ಎಲ್ಲಾ ಮಾಡಿಕೊಂಡಿದ್ದೆ

ಮಾಡಿಕೊಳ್ಳದವರು ಕ್ಯೂ ನಿಂತಿದ್ದರು

ಮಾಡಿಕೊಡುವ ಎಂದು!


ಹೌಹಾರಿದ್ದ.... ಸರ್ರನೆ ತಿರುಗಿದ್ದ ಹಿಂದಿರುಗಿದ್ದ ಯೂಟರ್ನ್ ತೆಗೆದುಕೊಂಡಿದ್ದ

ಯಾರು ಏನು ಎಂದು ನೋಡುವಷ್ಟರಲ್ಲಿ

ಅಧಿಕಾರದ ಬಂಡಿಯ ಜೊತೆಗೆ ಸರಸರನೆ ಓಡಿದ್ದ

ಅಯ್ಯೋ! ಅಪಾ...‌ ಇದೇನಪಾ...!

ಗಾಭರಿಗೊಂಡ ಎಲ್ಲರ ಜಪತಪ

ಅದೊಂದು ದಿನ ಎದುರುಕಂಡಿದ್ದೆ

ಸರ್ರನೆ ಮುಖ ತಿರುಗಿಸಿದ್ದ ಕಂಡು ಎದೆಯೊಡೆದಿದ್ದೆ ಯಾರಿಗೂ ಹೇಳದೆ

ಹೃದಯ ಭದ್ರ ಹಿಡಿದಿದ್ದೆ

ಚಿಂತಿಸಿದೆ ಮಂತಿಸಿದೆ ಬರೆದೆ ಕೂಗಾಡಿದೆ

ಅಧಿಕಾರದ ಭದ್ರ ಕೈ ಹಿಡಿದಿದ್ದ ಆತ

ಗಹಗಹಿಸಿ ನಕ್ಕಿದ್ದ ಕಂಡಿದ್ದ 

ಶತೃವಂತೆ ನನ್ನನ್ನೆ

ನನ್ನ ಬದುಕ ಕಿತ್ತುಕೊಂಡಿದ್ದ ಯೌವನ ಆಯಸ್ಸು ಮದುವೆ ಮಕ್ಕಳು ಹಣ ಐಶ್ವರ್ಯ ಅಯ್ಯೋ! ಪ್ರಾಣ ತೆತ್ತವರೆಷ್ಟೊ!


ನನಗಾದರೋ ಬರಹ ಸಿದ್ಧಿಸಿತ್ತು ಬರೆದೆ

ಕೀರ್ತಿ ಗಳಿಸಿದ್ದೆ

ಅವನಲ್ಲದಿದ್ದರೂ ಅವನ ಜುಟ್ಟ ಹಿಡಿಯುವ ಮಟ್ಟಕ್ಕೆ ಬೆಳೆದಿದ್ದೆ

ಸಂಜೆ ಬಾಡು ತಿಂಬುವ ಮಟ್ಟಕ್ಕೆ

ಬೆಳೆಯದ ನನ್ನಣ್ಣಂದಿರು ವಯಸ್ಸಾದ ಅಕ್ಕ ತಂಗಿಯರು

ಅವನ ಇನ್ನೂ ನಂಬಿಹರು

ಅವನೊ ಬಹು ಎಂದವನು

ಈಗ ಮನು ಅಪ್ಪಿಹನು

ಅಪ್ಪದ ಅಪ್ಪನಿಗುಟ್ಟಿದವರು?

ಯಾರಿಗೆ ಹೇಳುವುದೆಂದು ಎದೆಯೊಡೆದಿಹರು

ಚರ್ಚಿಹರು ಪರ್ಚಿಹರು ನೈಂಟಿಗಳ ಗಳಾಸುಗಳ ಎತ್ತಿ ಎತ್ತಿ ಚಿಂದಿಗೈಯಿಹರು

ಮೂರಾದಿ ಮಣ್ಣೆರಚಿ ಬೋರಿಹರು


ದ್ರೋಅ?

ಛೇ! ಛೇ! ಛೇ!

***

Comments

Post a Comment

Popular posts from this blog

ಡಾ.ಬಿ.ಆರ್.ಅಂಬೇಡ್ಕರ್ ಚಿಂತನೆಗಳು

  ಹಿಂದೂ ಮತ್ತು ಅಸ್ಪೃಶ್ಯನೊಬ್ಬ ಪ್ರಯಾಣ ಮಾಡುವ ಸಂದರ್ಭದಲ್ಲಿ ಪರಸ್ಪರ ಭೇಟಿಯಾದಾಗ... "ಯಾವಾಗಲಾದರೊಮ್ಮೆ ಅಕ್ಕಪಕ್ಕ ಕುಳಿತು ಪ್ರಯಾಣ ಮಾಡುವ ಸಂದರ್ಭದಲ್ಲಿ ಪರಸ್ಪರ ಜಾತಿ ತಿಳಿಯದಿದ್ದಾಗ ಜಾತಿವಾದಿ ಹಿಂದೂಗಳು ಮತ್ತು ಅಸ್ಪೃಶ್ಯರು ತುಂಬಾ ಆಪ್ತ ಸ್ನೇಹಿತರಂತೆ ವರ್ತಿಸುತ್ತಾರೆ. ಪರಸ್ಪರ ಬೀಡಿ, ಸಿಗರೆಟ್, ಹಣ್ಣುಗಳು, ಎಲೆ- ಅಡಿಕೆ ಹೀಗೆ ಅವರು ಹಂಚಿಕೊಳ್ಳುತ್ತಾರೆ. ಆದರೆ ಇದ್ದಕ್ಕಿದ್ದಂತೆ ಆ ಹಿಂದೂ ವ್ಯಕ್ತಿಗೆ ತಾನು ಇಷ್ಟು ಹೊತ್ತು ಮಾತನಾಡುತ್ತಿದ್ದ ವ್ಯಕ್ತಿ ಅಸ್ಪೃಶ್ಯ ಎಂದು ತಿಳಿಯುತ್ತಿದ್ದಂತೆ ಆತನ ಮನಸ್ಸಿನಲ್ಲಿ ದ್ವೇಷದ ಮನೋಭಾವ ಮೊಳಕೆಯೊಡೆಯುತ್ತದೆ, ತಾನು ಮೋಸಗೊಳಗಾದೆನೆಲ್ಲ ಎಂದು ಆತ ಯೋಚಿಸಲು ಆರಂಭಿಸುತ್ತಾನೆ. ಆತ ಕೋಪಗೊಳ್ಳುತ್ತಾನೆ. ಅಂತಿಮವಾಗಿ ತಾತ್ಕಾಲಿಕ ಆ ಸ್ನೇಹ ಜಗಳ ಮತ್ತು ಬೈಗುಳದ ಮೂಲಕ ಅಂತ್ಯಗೊಳ್ಳುತ್ತದೆ". -ಡಾ.ಬಿ.ಆರ್.ಅಂಬೇಡ್ಕರ್ ( Ambedkar writings and speeches, Vol.17, Part 3, Pp.132) ಕನ್ನಡಕ್ಕೆ: ರಘೋತ್ತಮ ಹೊಬ)
Post a Comment
Read more

ಮುಂದೊಂದು ದಿನ ಎಲ್ಲರೂ ಬೌದ್ಧರಾಗಲಿದ್ದಾರೆ -ಡಾ.ಅಂಬೇಡ್ಕರ್

  "ಪ್ರತಿಯೊಂದು ಧರ್ಮವು ಉತ್ತರಿಸಬೇಕಾದ ಒಂದು ಪ್ರಶ್ನೆ ಇದೆ. ಅದೆಂದರೆ ತಳ ಸಮುದಾಯ ಮತ್ತು ದೌರ್ಜನ್ಯ ಪೀಡಿತ ಸಮುದಾಯಗಳಿಗೆ ಧರ್ಮವೊಂದು ನೀಡಬಹುದಾದ ನೈತಿಕ ಮತ್ತು ಬೌದ್ಧಿಕ ಬೆಂಬಲವಾದರು ಏನು ಎಂಬುದು? ಧರ್ಮವೊಂದು ಅಂತಹದ್ದೊಂದು ಬೆಂಬಲ ನೀಡಲಿಲ್ಲ ಎಂದರೆ ಅದು ದುರದೃಷ್ಟಕರ ಪರಿಸ್ಥಿತಿಯಲ್ಲಿ ಇದೆ ಎಂದೆ ಅರ್ಥ. ಆದ್ದರಿಂದ  ಹಿಂದೂ ಧರ್ಮವು  ಕೋಟ್ಯಾಂತರ ಸಂಖ್ಯೆಯಲ್ಲಿ ಇರುವ ಪರಿಶಿಷ್ಟ ಜಾತಿ ಮತ್ತು ಹಿಂದುಳಿದ ವರ್ಗಗಳ ಜನರಿಗೆ ನೈತಿಕ ಮತ್ತು ಬೌದ್ಧಿಕ ಬೆಂಬಲ ನೀಡುತ್ತದೆಯೇ? ಖಂಡಿತ ಇಲ್ಲ. ಈ ನಿಟ್ಟಿನಲ್ಲಿ ತಮಗೆ ಬೌದ್ಧಿಕ ಮತ್ತು ನೈತಿಕ ಬೆಂಬಲ ನೀಡದ ಹಿಂದೂ ಧರ್ಮದ ಅಡಿಯಲ್ಲಿ ಪರಿಶಿಷ್ಟ ಜಾತಿ ಮತ್ತು ಹಿಂದುಳಿದ ವರ್ಗಗಳ ಜನರು ಇರಲು ಬಯಸುತ್ತಾರೆ ಎಂದು ಹಿಂದೂಗಳು ಅಪೇಕ್ಷೆ ಪಡಲು ಸಾಧ್ಯವೇ? ಅಂದಹಾಗೆ ಅಂತಹದ್ದೊಂದು ಅಪೇಕ್ಷೆ ಅಕ್ಷರಶಃ ವ್ಯರ್ಥದ್ದು.  "ಯಾಕೆಂದರೆ ಹಿಂದೂ ಧರ್ಮ ಅದು ಜ್ವಾಲಾಮುಖಿಯ ಮೇಲೆ ತೇಲುತ್ತಿದೆ. ಆ ನಿಟ್ಟಿನಲ್ಲಿ ಇಂದು ಅದು(ಜ್ವಾಲಾಮುಖಿ) ನಂದಿದ ಹಾಗೆ ಕಾಣುತ್ತಿದೆ. ಆದರೆ ವಾಸ್ತವ ಅದಲ್ಲ‌‌. ಮೊಂದೊಂದು ದಿನ ಈ ಕೋಟ್ಯಂತರ (ಪರಿಶಿಷ್ಟ ಜಾತಿ ಮತ್ತು ಹಿಂದುಳಿದ ವರ್ಗಗಳ) ಮಂದಿಗೆ ತಮ್ಮ ಈ ಹೀನ ಸ್ಥಿತಿಯ ಬಗ್ಗೆ ಅರಿವಾದಾಗ ಮತ್ತು ಅದಕ್ಕೆ ಹಿಂದೂ ಧರ್ಮದ ಸಾಮಾಜಿಕ ತತ್ವ ಕಾರಣ ಎಂದು ತಿಳಿದಾಗ ಆ ಜ್ವಾಲಾಮುಖಿ ಜೀವಂತಗೊಳ್ಳಲಿದೆ. ಇದಕ್ಕೆ ಸಾಕ್ಷಿಯಾಗಿ ರೋಮನ್ ಸಾಮ್ರಾಜ್ಯದಲ್ಲಿ ಕ್ರಿಶ್ಚಿಯ...
Post a Comment
Read more

ಶ್ರೀ ನಾಲ್ವಡಿ ಕೃಷ್ಣರಾಜ ಒಡೆಯರ್: ಮರೆಯಬಾರದ ಮೈಸೂರು ದೊರೆ

  ನಾಲ್ವಡಿ ಕೃಷ್ಣರಾಜ ಒಡೆಯರ್ -ರಘೋತ್ತಮ ಹೊಬ "ಇತಿಹಾಸ ಮರೆತವರು ಇತಿಹಾಸ ಸೃಷ್ಟಿಸಲಾರರು" ಇದು ಬಾಬಾಸಾಹೇಬ್ ಡಾ.ಅಂಬೇಡ್ಕರ್ ರವರ ಸುಪ್ರಸಿದ್ದ ನಾಣ್ಣುಡಿ. ಅದರಲ್ಲೂ ಹಳೆ ಮೈಸೂರು ಭಾಗದವರು ತಮ್ಮ ಭವ್ಯ ಇತಿಹಾಸವನ್ನು ಮರೆಯಲೇಬಾರದು. ಏಕೆಂದರೆ ರಾಜ್ಯದ ಇತರೆ ಪ್ರದೇಶಗಳಿಗೆ ಹೋಲಿಸಿದರೆ ಹಳೆ ಮೈಸೂರು ಭಾಗ ಅಭಿವೃದ್ಧಿಯಲ್ಲಿ ಮಂಚೂಣಿಯಲ್ಲಿದೆ ಎಂದರೆ ಅದಕ್ಕೆ ಕಾರಣ ಅದರ ಭವ್ಯ ಇತಿಹಾಸ. ಇಂತಹ ಭವ್ಯ ಇತಿಹಾಸದ ನಿರ್ಮಾತೃವಾಗಿ ತನ್ಮೂಲಕ ಮಾದರಿ ಮೈಸೂರಿಗೆ ಮುನ್ನುಡಿ ಬರೆದ ಧೃವತಾರೆ ರಾಜರ್ಷಿ ನಾಲ್ವಡಿ ಕೃಷ್ಣರಾಜ ಒಡೆಯರ್. ಆಳರಸರಿಗೆ ಮಾದರಿಯಾದ ರಾಜಯೋಗಿ.  ನಾಲ್ವಡಿಯವರು ಜನಿಸಿದ್ದು 1884 ರ ಜೂನ್ 4ರಂದು. ತಂದೆ ಶ್ರೀ ಚಾಮರಾಜ ಒಡೆಯರ್, ತಾಯಿ ಕೆಂಪನಂಜಮ್ಮಣ್ಣಿ (ವಾಣಿ ವಿಲಾಸ ಸನ್ನಿಧಾನ). ಬಾಲಕ ಕೃಷ್ಣರಾಜರ ಪ್ರಾಥಮಿಕ ವಿದ್ಯಾಭ್ಯಾಸ ನಡೆದದ್ದು ಮೈಸೂರಿನಲ್ಲೇ. ರಾಯಲ್ ಸ್ಕೂಲ್ ಎಂಬ ಪ್ರತ್ಯೇಕ ಶಾಲೆಯಲ್ಲಿ ಇವರ ಸಹಪಾಠಿಗಳಾಗಿದ್ದವರು ಮಿರ್ಜಾ  ಇಸ್ಮಾಯಿಲ್, ಲಕ್ಷ್ಮೀಕಾಂತರಾಜ್ ಅರಸ್, ಮುಂತಾದವರು. 1894 ರಲ್ಲಿ ತಂದೆ ಚಾಮರಾಜ ಒಡೆಯರ್ ರವರ ನಿಧನದಿಂದಾಗಿ ಬಾಲಕ ಕೃಷ್ಣರಾಜನಿಗೆ ರಾಜ್ಯದ ಹೊಣೆ ಬಿದ್ದಾಗ ಅವರಿಗೆ ಕೇವಲ 10 ವರ್ಷ. ಪೆಬ್ರವರಿ 1, 1895 ರಲ್ಲಿ ಯುವರಾಜ ಕೃಷ್ಣರಾಜರಿಗೆ ಪಟ್ಟಾಭಿಷೇಕ ಮಹೋತ್ಸವ ನಡೆಯುತ್ತದೆ. ಈ ಸಂದರ್ಭದಲ್ಲಿ ಬ್ರಿಟಿಷ್ ರಿಜೆನ್ಸಿ ಆಳ್ವಿಕೆಯಲ್ಲಿ ಮೈಸೂರಿನ ಗೌರ್ನರ್ ಮತ್ತು ಮಹಾರಾಜರ ಟ್ಯೂಟರ...
Post a Comment
Read more